NJË YLL I PASHUAR

Këtu mund të diskutoni për gjithqka që mendoni se ja vlen të diskutohet me anëtarët e tjerë, pra ky do të jetë një vend për relaksim. Sigurisht gjithkqka duhet të jetë në përputhje me rregullat. (VËREJTJE: Këtu nuk duhet postuar detyra apo probleme matematikore.)
Postojeni në Facebook Postojeni në Twitter

NJË YLL I PASHUAR

Postnga MOM-Admin » 14 Shtator 2011, 23:05

NJË YLL I PASHUAR

Shkruan Fatmir Shatri , matematikan

" Lum shekulli që e pati e mjeri shekulli që nuk e njohu " – shkruante një gazetë austriake në artikullin me rastin e dhënies së lajmit për vrasjen e Isa Boletinit me shokë .
Shkrimi fillonte në ketë mënyrë për t'i dhënë lavd trimit tonë të madh dhe për t'i treguar opinionit , sidomos atij shqiptar , se as vet nuk e kanë ditur që në mesin e tyre çfarë njeriu të vlershëm kanë pasur . Këtë thënie e kishim përdorur edhe neve në ketë shkrim , për ta përshkruar figurën madhore të profesorit tonë të nderuar , Dr Emrush Gashit , i cili u nda nga kjo botë të martën , me 6 . 10 . 2011 , në moshën 72 vjeçare . Ta përshkruash figurën e këtij njeriu të madh nga mesi i jonë , është një punë jo fort e lehtë , sepse duhet të kesh
një kapacitet të madh intelektual për t'ia arritur këtij qëllimi , e kam frikë se nuk jam në mesin e atyre që e plotësojnë ketë kusht . Mirëpo , siç thotë thënia popullore "më mirë viç se hiq " , e kam parë të arsyeshme të përpiqem që sado pak ta informojë opinionin tonë të gjerë se për çfarë njeriu bëhet fjalë , e shpresojmë se në të ardhmen ndonjë studiues i historisë së shkencës dhe zhvillimit të arsimit të ne , do të merret me ketë problematikë , në mënyrë që t'ia arrijë qëllimit më mirë se unë tani .
Profesori i jonë ka lindur në fshatin Mramor ( komuna e Prishtinës ) , me 10 . 3 . 1939 , ku edhe e ka kryer shkollën fillore . Shkollën Normale e ka kryer në Prishtinë , në vitin 1960 . Një kohë ka punuar si mësues i ciklit të ulët të shkollës fillore ( në fshatin e lindjes ) , e mandej regjistrohet në fakultetin e Matematikës ( të porsa hapur ) në Prishtinë , ku diplomohet me 30 . 6 . 1964 . Pas diplomimit punon si profesor i matematikës në Shkollën Normale të Prishtinës , gjer në prill të viti 1965 . Në atë kohë , profesori Emrush emërohet asistent në Fakultetin e Matematikës në Prishtinë . Po atë vit regjistrohet në studimet pasuniversitare , në FSHMN të Beogradit , në lëmin e Teorisë së unazave dhe idealeve , dhe me 13 . 6 . 1970 mbron me sukses temën e magjistraturës me titull " Teoria aditive e idealeve dhe Teoria e Andrunakieviçit e Rjabuhinit " . Në vitin 1971 , profesor Emrushi zgjidhet ligjërues në lëndën Algjebra lineare dhe teoria e polinomeve , në FSHMN dega e matematikës , në Prishtinë . Po atë vit e paraqet tezën e doktoratës "Kontribut teorisë aditive të idealeve " në FSHMN të Zagrebit dhe ketë e mbron me sukses me 19.12.1973 . Në viti 1974 / 75 profesori ka qenë në specializim për lëmin e Teorisë së radikaleve në Universitetin shtetëror të Moskës ( te profesor L.A. Skornjakov ) dhe në institutin e Matematikës në Akademinë e Shkencave të Moldavisë në Kishinjev ( te profesorët V . A . Andrunakieviç dhe JU . M . Rjabukin ) . Në vitin 1975 , profesori Emrush , zgjidhet docent në lëndën Algjebra lineare dhe teoria e polinomeve –në FSHMN , dega e Matematikës , të Prishtinës , kurse me 30 . 6 . 1977 zgjidhet profesor inordinar . Në vitin 1983 , ai zgjidhet profesor ordinar, pran të njëjtit fakultet , për lëndën Algjebra I . Në tetor të vitit 2004 , profesor Emrushi , pensionohet .
Profesor Emrush Gashi , gjatë kohës sa ka punuar në UP , përveç punës si ligjërues , ka qenë edhe anëtar si dhe kryetar i disa komisioneve për mbrojtjen e doktoratës e të magjistraturës , në FSHMN në Prishtinë e jashtë . Pastaj , ka qenë udhëheqës i disa kandidatëve për magjistraturë ( master ) dhe ka marrë pjesë në realizimin e programeve për master e doktoratë në Departamentin e Matematikës .
Profesori ka marrë pjesë në tubime shkencore dhe udhëtime studiuese , në :
- Kongresi Botëror i Matematikës , Helsinki , 1980 .
- Kongresi i MFA të Jugosllavisë , Ohër , 1970 .
- Kongresi VII i MFA të Jugosllavisë , Novi Sad , 1975 .
- Kongresi VIII i MFA të Jugosllavisë , Prishtinë , 1985 , (organizuar nga SHMFA e Kosovës dhe Seksioni i Matematikës të FSHMN ) .
- Kongresi Ballkanik i Matematikës , Beograd , 1984 .
- Konferenca Algjebra-Logjika , Sarajevë .
- Konferenca Algjebra-Logjika , Cetinje .
- Konferenca Algjebra-Logjika , Zagreb .
- Konferenca Algjebra-Logjika , Beograd .
- Tubimi shkencor i Akademisë së Shkencave të Maqedonisë .
Profesori Emrush Gashi ka mbajtur ligjërata në udhëtime shkencore ( studiuese ) dhe në kuadër të bashkëpunimit të UP me universitete të tjera , si: Tiranë , 1980 , 1986 ; Sofje , 1986 ; Jenë , 1986 ; Moskë , 1975 ; Shkup , 1985 ; Beograd , 1985 .
Profesori ka marrë pjesë edhe në punë organizative të Seksionit të Matematikës ( si shef i Seksionit ) , në organizimin e studimeve të shkallës së tretë dhe në organet e FSHMN . Ai dy mandate ka qenë prorektor për mësim në UP në kohën më të rëndë të historisë së tij . Profesori ka marrë pjesë në Shoqatën e Matematikanëve , Fizikanëve dhe Astronomëve të Kosovës ( kryetar ) dhe në Lidhjen e SHMFA të ish-Jugosllavisë .
Profesori Emrush është autor i një numri të madh punimesh shkencore e profesionale , të botuara në vend e jashtë edhe në revista me recension ndërkombëtar . Mandej ai është autor i disa teksteve universitare të fushës së algjebrës , e së bashku me profesorët e tjerë , si Muharrem Berisha , Eshref Ademaj , Ejup Hamiti , Dodë Daka etj . ka qenë autor i një numri të madh tekstesh shkollore të matematikës , që janë përdorur te ne .
Se kush me të vërtetë ka qenë Dr Emrush Gashi , mund ta dinë vetëm ata njerëz që kanë patur të bëjnë drejt për drejtë me atë , se të tjerët nuk mund ta imagjinojnë që në mesin tonë ka njerëz të tillë çfarë ishte ai . Profesori kishte tipare , që në kohën tonë është mjaft vështirë t'i hasësh te ndonjë njeri , si shprehia e madhe dhe ambicia për punë shkencore , ishte njohës i shkëlqyeshëm i lëmisë së Algjebrës , ishte besnik i madh i fjalës së dhënë , ishte në gjendje që në çdo moment të na ofronte ndihmë profesionale nga lëmia e tij etj . Për profesorin tonë , koha ishte shumë e çmueshme . Ai vazhdimisht vetëm punonte . Për neve matematikanët e trevave shqiptare të ish-Jugosllavisë , Dr Emrush Gashi , produkt i punës te të cilit jemi ne , është një model që na tregon se si duhet të punojmë në fushën tonë , në mënyrë që gjeneratat e ardhshme t'i ngritim në ketë drejtim e të fitojmë kuadro çfarë i duhen botës bashkëkohore . Ose thënë edhe më qartë , për neve profesor Emrushi është një ylli i pashuar , i cili do të na ndriçojë çdo herë rrugën tonë në kryerjen e misionit të çmueshëm të cilin e bartim mbi supet tona .
Shtojca

clip_image002.jpg [ 9.35 KiB | Parë 337 herë ]

Riemann hypothesis
The real part of any non-trivial zero of the Riemann zeta function is 1/2.

MOM-Admin

Administratorë
Avatari i antarit
 
Postime: 701
Vendodhja: Prishtinë,Vushtrri

Kthehu tek Tema të lira

Kush është në linjë

Antarë duke shfletuar këtë forum: Asnjë antar i regjistruar dhe 1 vizitor